Nova afronta da TVG: o programa de libros dedícase á literatura española

Case todo o programa foi sobre literatura en castelán, iso si, cunha piscadela á Asociación Galega de Editores, se cadra para que sigan “aguantando mecha” despois de abortarlles o Culturgal de 2009. Ésta é a carta enviada pola redacción do programa:

«2 de outubro de 2009

www.crtvg.es/libroaberto

libroaberto@crtvg.es

Saúdos,

Esta semana visita o programa o científico e escritor Germán Sierra para presentarnos a  súa cuarta novela “Intente usar otras palabras”. O autor, encadrado na chamada Xeración Nocilla, relata nesta obra, da man do seu protagonista, moitas das obsesións da sociedade contemporánea.

E o pai do Proxecto Nocilla, o coruñés Agustín Fernández Mallo, preséntanos “Nocilla Lab”,  a obra coa que pecha esta triloxía. Coméntanos tamén o documental, elaborado por el mesmo, no que podemos atopar moitas das claves do seu traballo creativo.

Trataremos tamén as técnicas do ilustrador Felipe Ugalde que foi o gañador co II Premio Compostela de Álbum Ilustrado ca súa obra “Un gran soño”. A este galardón, convocado polo concello de Santiago e a editorial Kalandraka, presentáronse máis de 280 proxectos procedentes de 22 países.

Na sección de “Libros na Rede”, abordaremos a web da Asociación Española Galega de Editores. Na páxina  www.editoresgalegos.org podemos atopar as novidades do mundo do libro así como información detallada sobre tódalas editoriais asociadas ou sobre os eventos que forman parte da axenda cultural galega.

E para rematar unha proposta pop de boas letras e mellores melodías: Señor Chinarro, coa que se presenta o cantautor sevillano Antonio Luque. O tema co que despedimos o programa, “Los Ángeles”, forma parte do seu disco “Ronroneando”.

Todo isto na G-2 (TDT) ás 20:00 horas.

Ademais poden achegarse ao noso programa a través da páxina web: www.crtvg.es/libroaberto.

Redacción

Libro Aberto»

Share

Comments are closed.