Alfredo Ferreiro, Colaborações:, Críticas e referências, Vídeos

Fisterra, a derradeira perla de occidente

No pasado día da Revolução dos cravos o escritor Modesto Fraga ofreceunos a agardada presentación en Arteixo do seu primoroso libro sobre Fisterra. Xa sabíamos que era unha obra que trascende amplamente o concepto de guía turística local, mais puidemos comprobar até onde son capaces de chegar a súa paixón pola vila e a súa altura intelectual. Porque este libro mostra moito máis que unha terra atlántica con personalidade memorábel: toda a idiosincrasia do pobo galego fisterrán. Deste modo, a obra de Modesto repara nas referencias históricas máis relevantes, nas características físicas e espirituais do seu singular patrimonio, nas peculiaridades da fala e da toponimia, nas personalidades da vila, ao tempo que noutros aspectos máis mundanos e pragmáticos como os servizos de hostelaría e as rotas e lugares recomendados aos camiñantes.

Non podía ser doutro modo: Modesto Fraga quería dar a coñecer as virtudes da súa Fisterra aos turistas, por iso como valor principal había de falar das cualidades da súa xente. É o que diferencia un humanista dun simple reporteiro.

Quen desexe recibir na súa morada o libro Fisterra, a derradeira perla de occidente, debe solicitalo no teléfono 615 48 45 07 ou ben no correo electrónico: luscandil@gmail.com. Mandaranllo asinado polo autor e sen ningún gasto de envío ao prezo de 16 €.

Share
Standard

2 thoughts on “Fisterra, a derradeira perla de occidente

  1. Pingback: Fisterra, a derradeira perla de occidente, de Modesto Fraga | ::Axenda cultural AELG::

Deixar uma resposta